Leku bat materialak, iritziak eta esperientziak partekatzeko guraso, haur eta nerabeen heziketari buruz
2020(e)ko abenduaren 31(a), osteguna
"A veces mamá tiene truenos en la cabeza"
2020(e)ko abenduaren 28(a), astelehena
Autoestimua
Autoestimua pertsona batek bere pentsamenduen, sentimenduen eta esperientzien ebaluazioaren arabera bere buruaz egiten duen balorazioa, pertzepzioa edo iritzia da.
Gure buruaz dugun kontzeptua, gure jokabideari egiten dizkiogun balorazioak eta gainerakoek gutaz duten iritzia barneratzean eraikitzen dugu.
Pertsona batek autoestimua baxua duenean, ez da maitatzen, ez da onartzen eta ez ditu bere ezaugarriak baloratzen. Ziur aski ez da gauza ezer onik ikusteko, egiten duen guztia gaizki dagoela uste duelako.
Familia gisa lan handia dugu gure seme-alabekin, autoestimu ona izaten lagundu behar baitiegu, eta horrek zailtasunei aurre egiten lagunduko die.
Bideo bat ikustera gonbidatzen zaituztegu. Bideo honetan, gure seme-alaben gaitasunetan sinestea zein garrantzitsua den azaltzen da, eta nola lagundu diezaiekegun haiek beraingan sinets dezaten eta, horrela, beren autoestimua hobetu dezaten.
2020(e)ko abenduaren 18(a), ostirala
2020(e)ko abenduaren 17(a), osteguna
Jostailu ez-sexistak
Jostailuek eta jolasguneek eginkizun nabarmena dute haurren sozializazioan, batez ere bizitzako lehen urteetan, eta oso tresna baliotsuak dira haien garapen kognitibo eta sozialerako.
Familiek eta hezkuntzako profesionalek hezitzaile gisa duten erantzukizunaz jabetu behar dute, eta jostailuak eta jolasguneak ondo aukeratu behar dituzte.
Jostailuak dibertigarriak eta seguruak izan behar dute, parte-hartzea eta irudimena sustatu eta haien adinerako egokiak izatea da garrantzitsuena.
Ez dago jostailu ez jolasik neska edo mutilenak direnik: utzi kamioiekin, panpinekin, baloiekin, eraikuntza-jokoekin, sukaldeekin... jolasten.
Gaztela-Leongo Juntak gida bat eskaintzen digu egun hauetan familiek aukeraketa on bat egin dezaten.
http://carei.es/wp-content/uploads/GuiadelJuguetenoSexista.pdf
2020(e)ko abenduaren 14(a), astelehena
#Yonorenuncio
Irabazi asmorik gabeko Yo No Renuncio elkartea, lan mundua eta bizitza familiarra uztartzearen aldarrikapen bezala sortu zuten Malasmadres clubeko kideek.
#YoNoRenuncio lema pean, partidu politikoekin, enpresekin eta familiekin batera, 2015. urtetik aurrera, Kontziliazioa erraztu dezakeen, estatu mailako paktu bat lortzeko dabiltza lanean.
2020(e)ko abenduaren 10(a), osteguna
2020(e)ko abenduaren 9(a), asteazkena
Equitrivia
Equitrivia Aragoiko Gobernuak sortutako Trivial formatuko online jokoa da. Genero-indarkeria eta berdintasunaren inguruko galderei erantzun behar zaie.
Definizio baten bitartez edo indarkeria-kasu jakin bat azalduz (adibidez, bikotekideak whatsapp bidez kontrola zaitzala), lau erantzun posibleen artean, zuzena aukeratzea ahalbidetzen digu.
Jolas honen helburua, Kontzeptuak ikasi eta jokabide toxiko horiei buruzko gogoeta egitea da.
http://equitrivia.educa.aragon.es/
2020(e)ko abenduaren 6(a), igandea
DetectAmor
Aplikazio honek maitasunaren eta harremanen kontzeptuari buruz hausnartzen laguntzen du, hamar joko dibertigarriren bidez.
Hortaz, DetectAmor baliabide ludikoa da neska-mutilek jolasteko, dibertitzeko, “bikote-harreman” eta “maitasuna” hitzaren inguruan dituzten ideak aztertu eta, aldi berean, matxismoaren eta genero-indarkeriaren inguruan dituzten jarrerak hausnartuz.
Edozein hezkuntza-eragilek, indarkeria matxistaren prebentzioaren gaia azaldu, informatu eta sakontzeko ere erabil dezake.
http://www.juntadeandalucia.es/iamindex.php/areas-tematicas-coeducacion/app-detectamor
2020(e)ko abenduaren 2(a), asteazkena
Mafalda: Femenino singular
Joaquin Lavado, Uztailaren 17an, Mendoza, Argentinan jaio zen eta duela gutxi zendu zen. Txikitan jabetu zen marrazkilari izateko zeukan bokazioaz eta orduan izan zen Quino deitzen hasi zitzaizkionean.
1964an Mafalda, bere pertsonaia, aldizkari batean agertzen hasi zen eta beranduago egunkari batean. Lumen argitaletxeak hamaika liburuki argitaratu ditu Mafaldaren bineten bildumekin. Zerotik hamarrera zenbakituak eto liburuki bakar batean “Mafalda”. “Todo Mafalda” pertsonaiaren berrogeitahamargarren urteurrenean argitaratu zen, pertsonaiaren argitaratugabeko binetekin. 2018 an feminismoaren inguruko bilduma argitaratu zen “Mafalda. Femenino singularra”.
Bilduma honetan Quinoren pertsonaiak, matxismoa eta emakumeen rolaren inguruan hausnartzera gonbidatzen gintuen. Quinok giza-eskubideen aldekoa izan zen eta emakumeen eskubideak maisutasunez defendatu zituen.
Hone hemen gure omenaldirik zintzoena.