Aldundiak jostailu ez-sexisten aldeko Gabonetako kanpaina berritu du. Mezua oso irudi koloretsuan oinarritzen da eta "Aukeratu ilusioak, baztertu opari sexistak/Elige ilusiones con regalos no sexistas" leloa du.
Kanpaina honetako materiala kartelek, pegatinek eta Olentzerori, Bizarzuriri edo Errege Magoei opariak eskatzeko gutun tradizionala idazteko erabil daitezkeen posta-txartelek osatzen dute, eta umeek jostailu-denda, ikastetxe edo erakundeetan lortu ahal izango dituzte.
Gidaliburu honen bidez, Gabonetako oporretan zehar hirian antolatuko diren jardueren artean bilatzen lagundu nahi zaie familiei. Gazteria eta Kirol Sailak badaki garai hauetan oso garrantzitsua dela denbora librea txiki nahiz helduentzat.
Hautatutako jarduerak 2021eko abenduaren erdialdetik 2022ko urtarrilaren erdialdera bitartean egingo dira.
Isabella Springmühl txikitatik arduratu zen jantziez, modako aldizkariei begiratuz eta bere trapuzko panpinentzat jantziak sortuz, non orratzekin eta oihal zatiekin jantziak egiten zizkien.
Baina moda diseinatzaile izateko ametsa lortzea ez zitzaion erraza izan, zenbait unibertsitatek baztertu egin baitzuten Down Sindromea izateagatik. Bere familiak ikasten jarraitzera animatu zuen. Josteko akademia batean eman zuen izena, eta bertan ikasi zuen moldeak egiten, ebakitzen eta makina batean josten.
Isabella Springmühl diseinatzaile guatemalarrak modaren konbentzioei aurre egin zien, Downen sindromea zuen lehen jostuna izan baitzen, eta London Fashion Week 2016 bilduman estreinatu zuen. Gainera, bere marka propioa du, "Down to Xjabelle", bere izaera propioaren omenez, bere amonak zuen josteko atelierraren izenarekin batera.
Ezagutzera animatzen zaituztegu.
Duela gutxi, adimen emozionalari buruzko jardunaldi bat egin dugu. Familiako kide guztiok zoriontsu izatea eta bizitzan arrakasta izatea nahi dugu. Hori lortzeko modu ona da hazkuntza baikorra eta positiboa egitea.
Adimen emozional ona (AE) eskuratzea eta garatzea ezinbestekoa da bizitzan moldatzeko. Askotan, haur askok emozioak ezagutzeko eta kudeatzeko zailtasunak dituzte. Horretaz gain, beste pertsona batzuen lekuan jartzea, modu asertiboan hitz egitea eta iritziak partekatzea kostatzen zaie.
Eskolan zein familian, lan handia egin dezakegu arlo horretan laguntzeko. Beren emozioak erabiltzeko gai diren eta seme-alaben beharrekiko sentikorrak diren gurasoek segurtasun-sentsazioa lortzen dute haiengana jo dezaten umeak gaizki daudenean
Esteka honetan duzue jardunaldian landutako materiala:
Programa hau 2005ean sortu zen IRSE-EBIan eta honen ekimenez, aginte judizialei erantzuna emateko, izan ere, Genero indarkeriaren kode penalean eta lege integralean bilduta baitago, eta genero indarkerian prozesu pertsonal bat egitea dakar. Bikoteak erasotzen edo eraso dituzten gizonekin lan egiteko beharrak eraginda sortu zen Gakoa, helburu bihurtzen diren arrazoietan oinarrituta:
Lehenengoa eta funtsezkoena, emakumeen eta haien seme-alaben osotasun fisikoa eta psikikoa babestea. Gure ustez, eta egiaztatua dugu, planteatutako helburuekin lan egiten dugun gizonezkoek emakumeei erasotzeko probabilitate txikiagoak dituzte lan terapeutikorik egin ez dutenek baino. Beraz, emakumeen eta haien seme-alaben prebentzio eta babes lana egiten dugu. Bestetik, gizonezkoa bada emakumeen aurkako indarkeriaren gako piezetako bat, ezinbestekoa da harekin lan egitea erabiltzen duten indarkeria legitimizatzen duten ideien, jarreren eta emozioen oinarri hori desegiteko.
IRSEri kondenatutako gizonezkoekin esku-hartzeko berariazko eredua ko-eraikitzera eraman zuten beste arrazoietako bat, entitatearen estatutuak sortzeko xedeetan barne, eta bere filosofian barne, arazo judizialak dituzten pertsonen bizitza kalitatea hobetzea izan zen.
https://bbkfamily.bbk.eus/eu/gakoa-ez-erortzeko-gakoak-bilatzen/
Bilboko Udalak Glasso Agentziaren «Kaletarrak» proiektua sustatzen du, #BilbaoAurrera Planaren bitartez.
Proiektu horren protagonistak dira uriko kale-izendegian gaur egun dauden 28 emakumeak.
Horrela, bada, abenduaren 16ra arte, kale horietako bakoitzean totem bat egongo da, bi QR koderekin. Horien bitartez, euskarazko eta gaztelaniazko podcast bat entzun ahalko da, «Kaletarrak»en Ivoox eta Spotify kanaletan, kaleari izena ematen dion emakumearen istorioari buruz. Totemean, QR kodeaz gain, dagokion emakumearen argazkia egongo da, eta gainerako kaleen zerrenda, barrutika.
Osakidetzak "Prescribe juego" proiektua eskaintzen digu. Psikologiaren ikuspuntutik, jolastea ezinbestekoa da haurren garapenean, eta berebiziko garrantzia du euren nortasuna eratzeko.
Online hitzaldia.
Familia-harremanak eta -osaerak gero eta askotariko eta konplexuagok diren gizarte honetan, gurasook nola lor dezakegu harreman osasungarria, gero familia osoak osasun emozional ona izan dezan? Nola lortu hala ohikotasunez nola krisialdietan, gurasoak banatzean, dibortziatzean…?
Hizlaria: Jon Ander Bilbao doktorea, IMQko Psikiatria-aditua
Data: abenduak 1, asteazkena, 20:00etan.
Lekua: bideokonferentzia Zoomen eta YouTuben
Zientzia Astea Bilbo. Azaroaren 5etik 7ra, Bizkaia Aretoan
Zientziak, teknologiak eta berrikuntzak bere egingo dute Alvaro Siza arkitekto ezagunak diseinatutako eraikina. Bizkaia Aretoak hogei jarduera inguru hartuko ditu aurtengo: tailerrak, ikuskizun zientifikoa, bi hitzaldi eta nola ez, dagoeneko historikoa den Zientzia Club.
"Casilda Andrea Bizirik" heldu da Bilbora: Bilboko Udalak antolatutako kultur ginkana, urriaren 30, 31 eta azaroaren 1, 6 eta 7an Casilda Iturrizar parkean eta Zabalgunean izango dena.
Casilda Andrea Bizirik-en eskutik, parte-hartzaileak honako istorio honetara hurbilduko dira:
Luis Ángel Estrómbolik, idazle frustatua baita, erabaki du bere amorru eta frustrazio guztia gure bihotzeko Casilda Iturrizar maitatuaren irudiaren gainera hustea. Bere asmoa da haren irudia desagerraraztea, eta, ahal izanez gero, baita haren oroitzapena ere bilbotar guztien gogotik. Horretarako, plan gaizto bat prestatu du. Estrómboliren arabera, modu bakarra dago plan gaizto hori desegiteko: B.I.U. (Bilboko Inteligentzia Unitatea) taldea behar bezala prestatuta, beste inola ere ez.
Kultur ginkana honekin, Casilda Iturrizar, parkea eta Zabalgunea pixka bat sakonago ezagutzeaz gain, jardueran parte hartuko duten guztiek primeran pasatuko dute beren gaitasun deduktiboak probatzen dituzten bitartean.
Familientzako jarduera hau, 6 urtetik gorakoentzat, doakoa da, baina esteka honetan izena eman behar da.
Familia tailerra: Tailerrean, Guztion Ondarea, denok parte! 2021eko Europako Ondarearen Jardunaldien lelopean, 6 eta 12 urte bitarteko umeek urrutiko tokietatik Bizkaiara ekarritako objektuak ezagutuko dituzte, istorio ezberdinetako mezu sekretuak deszifratuz. Ondoren ipuinaren azala sortuko dute beste parte-hartzaileen laguntzarekin.
Joko honekin on line iruzurrak identifikatzen eta prebenitzen ikasiko dugu, eta familiarekin eta lagunekin dibertitzen.
2-4 parte-hartzaileko jokoa da.
Egilea: OSI (Nazioarteko Segurtasun Bulegoa)
Esteka honetan deskarga dezakezu:
Garai batean Nerbioi ezkerraldean ugariak ziren kartoi bandak, festa giroan sorturiko txaranga amateurrak. Musika instrumenturik ez zutenez, kartoiz egiten zituzten saxofoi, tronpeta eta bestelakoak imitatuz.
Tailer honen helburua, beraz, kartoi-banda bat osatzea da; tailerreko partehartzaileak arduratuko dira beren kartoizko tresnak eraikitzeaz (lutheria esperimentala), baina baita banda osoak interpretatzeko moduko piezak konposatzeaz ere, ahalik eta esperimental eta irudimentsuenak.
Txaranga Urretabizkaiak gidatuko ditu urratsok.
Tailerra 2021eko Azaroko Ostegunetan izango da Sanfrango Udaltegian, Bilbon 18.00etatik 19.30etara.
Doakoa da eta edozein adineko jendeari irekia (10 urte baino gazteagoak nagusi batez lagundurik).
Ez da beharrezkoa musika ikasketarik izatea.
Tailerraren bukaeran kontzertu bat emango dugu, GAU IREKIAN, Abenduaren 11ean.
Izenemateak: txarangaurretabizkaia@gmail.com
Rekalde Aretoko erakusketak familian bisitatzeko material berria diseinatu dugu. ART EXPLORER, aurkeztutako artelanen behaketa, esperimentazioa eta azterketa egitera gonbidatzen gaituen gida da eta proposamen eta dinamikez beteta dator.
Aretoan bertan izango duzue eskuragarri material guztia. Anima zaitez eta etorri familian Rekalde Aretora!
GAZTEGUNE-etan oso ondo pasatuko duzu eta 12 eta 17 urte bitarteko zu bezalako gazteak ezagutuko dituzu.
Izena emateko, nahi duzun Gaztegunera hurbildu zaitez, eta ordutegi eta ekintzen inguruko informazioa eska ezazu. Gainera, #GazteKLUBA-ren ekintzen informazioa ere eskuratuko duzu.
Gaztegune Zorrotza
Helbidea: Fray Juan, 33.
Ordutegia:
Asteazkeneko taldea 17:00etatik 20:00etara
Osteguneko taldea 17:00etatik 20:00etara
Ostiraleko taldea 17:00etatik 21:00etara
Larunbateko taldea 17:00etatik 21:00etara
Telefonoa: 693 25 50 28
Kontaktua: gaztegune.zorroza@bilbao.eus
Aurrez aurreko eta online hitzaldia.
Gure seme-alabekiko komunikazio afektibo eta eraginkorra jaiotzen diren unetik landu behar da. Hala ere, inoiz ez da berandu hura bilatzeko eta sustatzeko. Nola igaro galdeketatik elkarrizketara, isilune edo oihuetatik elkarrizketara?
Aldaketa txiki batzuk eginda, komunikazio adeitsu eta eraginkorra lor dezakegu, eta gure seme-alabak entzunak, ulertuak eta balioetsiak sentitzea. Gure seme-alabak adoretuz, autoestimu handiagoa izango dute; gatazkak konpontzeko trebatuko ditugu, bai eta familia barruan zein kanpoan errespetuz komunikatzeko ere.
Hizlaria: Sandra Martín, Diziplina Positiboan familia-hezitzailea, Encouragement Consultant eta Hirukideko bazkidea.
Azaroaren 10ean, asteazkenean, 19:30ean.
Ellacuria aretoa (CRAI liburutegia, Deustuko Unibertsitatea), Zoom eta YouTube.
Anezka enplegu-programek langabeen gaitasun pertsonalak eta enplegagarritasuna hobetzen dituzte eta laneratzeko prozesuan laguntzen diete, lanpostu bat aurkitzeko aukerak areagotzeko.
Anezka programetan langabezian dauden pertsona boluntario eta aktiboen talde heterogeneoak sortzen dira. Talde horiek koordinatzaile baten laguntzarekin antolatzen dira, besteren konturako zein norberaren konturako enplegu-bilaketa bultzatzeko, programak garatzen dituen jarduketetan kide guztiak lan-merkatuan sartzeko bideak eta moduak aztertzen dituztelako.
Izena emateko epea urriaren 12ra arte
Abian da Beldur Barik lehiaketaren edizio berri bat 12 eta 26 urte bitarteko gazteei zuzendua.
Beldur Barik lehiaketak gazteen artean indarkeria sexista eta matxista prebenitzeko helburua du. Emakundek gidatzen du Arabako, Bizkaiko eta Gipuzkoako Foru Aldundien zein EUDELen babesa eta laguntzarekin.
Bideoak aurkezteko epea irailaren 10etik azaroaren 5era bitartean zabalik egongo da.
Urtero, iraila eta urriaren artean, ALAIN AFFLELOU Fundazioak haur ikusmen osasunaren aldeko eskola kanpaina martxan jarri du.
Kanpainaren helburua 5 eta 7 urte bitarteko haurrek izan dizaketen ikusmen-arazoak garaiz deteketatzea helburua da. Behar dutenei, ALAIN AFFLELOU Fundazioak betaurreko graduatuak dohainik ematen die.
Noiz: 2020ko irailaren 6tik urriaren 17ra
https://www.afflelou.es/fundacion/proyectos/prevencion-del-fracaso-escolar/
Tailerrak ingelesez 6/12 urte bitartekoei bideratuak. Jarduerak, sormena sustatzea eta ingelesaren erabilera erraztea du xede.
2021eko irailak 18, 11:00etatik 12:15etara
Izen emateak.
Hitzordua formalizatzeko salarekalde@bizkaia.eus helbidera mezu bat bidaliz bakarrik egin ahal izango da. Mezuan parte hartzaileran izen abizenak eta telefono zenbaki bat bidaliz. Izen emateak mezuen harreren hurrenkera jarraituz osatuko dira.
Little Creativity Suitcaseekin elkarlanean diseinaturiko tailerra.
Apnabi-Autismo Bizkaia irabazi asmorik gabeko elkarte bat da, interes publikokotzat jotzen dena eta Autismoaren Espektroko Nahasteak (AEN) dituzten bizkaitarren familiak biltzen dituena. Erreferentziazko erakundea da bere ekintza-esparruan.
APNABI Autismo Bizkaia elkartearen jarduerak hainbat eremutara hedatzen dira: kontsultak, AEN bat duten pertsonei diagnostikoa eta tratamendu espezializatu goiztiarra emateko; hezkuntza, Aldamiz ikastetxean ematen dena, giro egituratuan, eta proiektu eta tailerretan oinarritutako metodologiarekin; eguneko arreta, irizpide polibalentearekin ematen dena, eta AEN bat duten eta eskola garaia bukatu duten pertsona guztientzat irekia dena; etxebizitza zerbitzuak, eredu komunitario batekin planteatuak; familientzako laguntzak, zeintzuen bidez laguntzaile-lana egin eta programak garatzen baitira familien atseden eta arnasaldi premiak asetzeko eta gainkarga emozionala murrizteko; eta aisialdia eta denbora librea.
Era berean, APNABIk sustapen soziolaboraleko eremu bat ere badu, non AEN bat duten pertsonek trebetasun funtzionalak barneratzen baitituzte gizartean sartzeko eta enplegu bat izateko.
Fekoor-ek (Gutxitasun fisikoa eta/edo organikoa duten pertsonen Bizkaiko Federazio Koordinatzailea) Bizkaiko 20 turismo-proposamen irisgarri biltzen dituen gidaliburua argitaratu du, mugikortasun urria duten bertoko eta kanpoko pertsonentzat.
“Bizkaia ezagutzen – Conociendo Bizkaia” izeneko gidaliburua 2020ko azken hiruhilekoan egin da, eta Fekoor-ek Bizkaian egin dituen eguneko jardueretako esperientzia jasotzen du, eta baita oraindik testatu ez diren arren, interes turistiko eta kulturala duten baliabideen azterketa ere.
Carmen Matas kazetaria lanbidez, "Mujeres en la sombra" lanaren egilea da. Proiektu honetan, bere grina handiak, idazketa, borroka feminista eta emakumeen ikusgarritasuna batu ditu.
Oztopoak oztopo, emakume askok utzi dute arrastoa gizateriaren historian. Baina ez dira agertzen, ez daude. Museoetan, kaleen izenetan, Nobel saridunen izendapenen zerrendan, historia liburuetan, ahaztuak eta ikusezinak izan dira.
Itzaletik ateratzeko unea da.
"Científicas: pasado, presente y futuro” 8 eta 14 urte bitarteko haurrei zuzendutako zientzia antzerkia da, eta 2016tik antzezten ari da, batez ere Sevillan, baina baita Espainiako beste leku batzuetan ere.
Francisco Vegaren ideia originala da. Sevillako Unibertsitateko bost ikertzailek iraganeko bost ikertzaileri bizia ematen diete, ondoren zientzialari gisa duten bizitzaz hitz egiteko eta zientziaren mundu liluragarrian parte hartzera gonbidatzen ditu ikusleak.
Sevillako Unibertsitateko Berdintasun Unitatearen laguntzarekin obraren komiki-bertsio bat egin dute. Proiektu honetarako, Raquel Gu ilustratzailea izan dute bidelagun.
Komiki honekin, emanaldietara joan ezin duten ikastetxe guztietara iritsi nahi dute.
Komikiaren irakurketaren osagarri gisa, gidaliburu bat ere egin dute, ikasgelan egiteko jarduerekin.
Agur, Lurreko izakiak. Tzeik komandanteak hitz egiten dizue, Nortuma planetako esploratzaile espazialen eskuadroiko burua, Bienfort galaxiaren zazpigarren esfera, zuen eguzki orbitatik 3.000 argi urtera. Hartuko nauzu? Uste dut Marte eta Jupiterren arteko asteroide gerrikoak eragina duela gure konexioan, kanalez aldatuko dut, itxaron segundo bat...
Orain hobeto! Eskerrik asko gure laguntza-deiari erantzuteagatik! Zuen laguntza behar dugu, lurtarrak...
Horrela hasten da "balkin salbatzea misioa" jolasa, Bilbon zehar familian egiteko jolasa. Interneterako konexioa duen mugikorra edo tableta baino ez duzu behar, pantailetan agertzen zaizkizuen jarraibideak jarraitu eta kodeak idatzi.
7 urtetik aurrera.
Abenturaren gutxi gorabeherako denbora: bi ordu.
Ibilbidea: 5 km
Doakoa.
Miriam Varela Arte historialariak eta Maria De Toro Batxilergoko Filosofia irakasleak 170.000 sinadura baino gehiago bildu dituzte ostiral honetan Hezkuntza Ministerioan, hezkuntza curriculumean emakumezko figurak sar daitezen eskatzeko. Hainbat herri-plataformaren bidez, hainbat irakaslek milaka sinadura bildu dituzte hezkuntza-liburuetan arlo horretan aitzindari izan ziren emakumeen izenak sartzeko.
Simone de Beauvoir, Judith Butler, Maria Zambrano, Hannah Arendt, Vandhana Shiva filosofoek eta Luisa Roldan, Rosa Bonheur, Frida Kahlo eta Camille Claudel artistek, besteak beste, gure hezkuntzan ikusezinak izateari utzi behar diote.
