Familientzako jardunaldia

«Estres gutxiago, familia gehiago» jardunaldian parte hartzera gonbidatu nahi zaituztegu. Eusko Jaurlaritzak antolatutako jardunaldi honen helburua familiei estresa murrizten eta hazkuntzaren erronkei aurre egiten lagunduko dieten tresnak eta baliabideak eskaintzea da.

Elsa Punseten eskutik, familiei zer gertatzen ari zaigun, gure seme-alabek zer erronkari egin behar dieten aurre eta haien hazkunde-prozesuan nola lagundu diezaiekegun hobeto ulertzeko aukera izango dugu.

Jardunaldia osatzeko, bi tailer esperientzial izango dira, esperientziak partekatzeko, hausnartzeko eta familien egunerokotasunerako baliabide praktikoak ezagutzeko:

Familian arnasa hartu. Estresaren seinaleak ezagutu eta egunerokoan lasaitasuna berreskuratzeko baliabide sinpleak eskuratu.

Lotu, talka egin beharrean. Komunikazioa eta familiabizikidetza hobetzeko gakoak eta dinamikak.

📅 2026ko azaroaren 7a, larunbata

🕙 10:00etatik 13:30era

📍 BEC – Bilbao Exhibition Centre, 1A aretoa (Barakaldo)

Jardunaldia doakoa da eta familiei zuzenduta dago. 2 eta 11 urte bitarteko haurrentzako zaintza-zerbitzua egongo da. Plazak mugatuak dira eta aldez aurretik erreserbatu behar dira.

 Inzkripzioa

Sexu-aholkularitza

 

Sexu eta drogei buruzko zalantzarik al duzu?

14 eta 20 urte bitarteko adina baduzu, gai hauei buruzko informazio jaso dezakezu Bilboko hiru Modulu Psikosozialetako batean. Zerbitzua doakoa da eta ez da aurretiazko hitzordurik eskatu behar.

Modulu hauetan hainbat alorretako profesionalek arreta egingo diete: medikuntza, ginekologia, psikologia…

Doakoak dira.

Ez da aurretiazko hitzordurik behar.

Bilbo Zaharrean, San Inazion eta Errekalden daude.

Neska-mutil gazteen galderei astean behin arratsalde bat eskaintzen diete. Astelehenetan, 16:00etatik 18:00etara Auzolan Moduluan (Bilbo Zaharra); astearteetan, 15:00etatik 17:00etara Deustu-San Inazio Moduluan; eta astearteetan, 17:00etatik 18:30era Errekaldeko Moduluan. Aldez aurretiko hitzorduarekin asteko beste edozein egunetan joan daiteke.

Hurrengo gaiei buruzko orientazioa eta informazioa eskaintzen dute: sexualitatea, ugalketa-osasuna, kontrazepziozko osasuna, larrialdiko kontrazepzioa, abortua, bikotekidearekiko harremanetako arazoak, alkoholari buruzko orientabide eta informazioa, drogak eta beste mendekotasun batzuk, tratamenduak, kontsumoari lotutako arriskuen balorazioa, etab.

https://bilbaogazte.bilbao.eus/zerbitzua/sexu-eta-drogei-buruzko-zalantzarik-al-duzu/

Mindfulness eta ongizate emozionala

Bilboko Udaleko Osasun eta Kontsumo Sailetik "Mindfulness eta Ongizate emozionalari" buruzko jarduera hauetara gonbidatzen zaituztegu:

- Mindfulness-i buruzko hitzaldia eta tailerraren aurkezpena: Urriak 6, asteartea

- Ordu eta erdiko 6 saioko 4 tailer, mindfulness-ari eta ongizate emozionalari buruzkoak.

Hitzaldira edo, hitzaldira eta 4 tailerretako batera bakarrik joan daiteke.

Tailerretako batera joanez gero, hitzaldira joatea gomendatzen da, baina ez da ezinbestekoa.

Jarduerak doakoak dira eta herritar guztiei zuzenduta daude, baita profesionalei ere, Bilbon bizi diren pertsonei lehentasuna emanez.

Aldez aurretik izena eman behar da esteka edo QRaren bidez.

Zalantzarik izanez gero, 944 204 470 - 944 204 453 telefonoetara dei dezakezu (8:30etatik 14:00etara) edo promosalud@bilbao.eus helbidera mezu elektroniko bat idatziz.

+Info

Haurrak eta uda

Babes zaitez berotik

 

Tabakorik Gabeko Nazioarteko Eguna 2026

 

maiatzak 31 "Tabakorik Gabeko Nazioarteko Eguna 2026"

Komiki "Hutsartea"

Komiki "Kea"

Babes zaitez berotik

 

Osasunaren astea

Prestakuntza pildorak

 

Nerabeak

 

Sexualitatea

Zeos Programa

 

Ongizate digitala

Ongizate digitala teknologiaren erabilera osasuntsua mantentzean datza. Teknologia erabil dezakegu gure beharrak asetzeko, baina eguneroko bizitzan arazo bihur ez dadin saihestu behar dugu. 

Pantailak gure bizitzako esparru guztietan daude: eskolan zein aisialdian, lanean zein harreman pertsonaletan. Baina, nola lor dezakegu teknologiarekin harreman osasuntsua? 

Hurrengo artikuluan, "Redes con corazón"-eko Adrián Aguayo Llanosek oinarrizko aholku batzuk eskaintzen dizkigu gure bizitzetan ongizate digitala lortzeko. 

+Info

Zure eskuek bizitza bat salba desakete

 

2025-2026 Udal ikastaroak eta tailerrak

Bilboko Udalak antolatutako adinekoentzat osasun ikastaroetan, tailer kulturaletan eta berdintasunaren aldeko tailerretan izena emateko prozesua kudeatzea. 

Nori zuzenduta dago?

Bilbon erroldatuta dauden 18 urtetik gorako pertsona guztiek eman dezakete izena. Berdintasunaren aldeko tailerretan izan ezik, horiek emakumeentzat bakarrik izanen baitira, eta adinekoentzako osasun jarduerak, 70 urtetik gorakoentzat.

Jarraibideak:

Aurreinskripzioa: Aurreinskripzioa jarduera egin nahi den zentroa (edo zentroak) aukeratzean formalizatzen da. Gehienez zentro bi aukera daitezke. Egin nahi den jarduera zehatza geroago aukeratuko da, izena ematen denean..

Zozketa eta emaitzak.

Izena ematea: Jarduera aukeratzea eta ordaintzea.

Hutsik geratu diren plazetan izena ematea: matrikulatzeko epea amaituta, hutsik dauden plazetarako izen-ematea irekiko zaie hala nahi duten pertsona guztiei, baita aurrez izena eman ez dutenei ere. Izen-ematea formalizatzen da ikastetxea eta ikastaroa edo tailerra aukeratuz, abonu-agiria inprimatuz eta diru-sarrera epe barruan eginez

Epeak

Aurreinskripzioa: Ekainaren 18tik Irailaren 1era.

Zozketa eta emaitzak: Irailaren 4an. Hitzorduen kontsulta: irailaren 9tik aurrera.

Izena ematea: Irailaren 10tik 23ra.

Hutsik geratu diren plazetan izena ematea: 

Kultura eta berdintasuna: Urriaren 2tik abenduaren 12ra.

Adinekoentzat osasuna: Ez dago eperik.

​Bajak: (Baja tramitatu ahal izateko ordainagirian agertzen den identifikadore pertsonala zein den nahitaez jakin behar da)

Kultura eta Berdintasun-arloko tailerretan edonoiz eska daiteke baja

Ikastaro eta tailerren eskaintza Ikastaro eta Tailerren 2025-2026 Gidaliburuan jaso da

+Info

Udan, Ez Jaitsi Zaintza!

 

Haurtxoak eta uda

👶 Haurtxoen Zainketa Bereziak 

🔥 Nola jakin zure haurtxoak beroa duen? 

Haurtxoek burua izerditzen dute. Lepoan izerdia badu, litekeena da gehiegi estalita egotea. Jantzi arropa freskoarekin (kotoia, mahuka motza) eta saihestu eguzki-azalpen zuzena. 

💦 Deshidratazioa saihestu 

• Bularra hartzen duten haurtxoak: ez dute ur gehigarririk behar. 

• Formulaz elikatzen diren haurtxoak: ondo prestatzen bada, ez da likido gehiago behar. 

• 6 hilabetetik aurrera: bero handia egiten badu, eskaini ura biberoian. 

🛡️ Babestu ziztadetatik 

• Saihestu intsektizidak logelan erabiltzea. 

• Erabili haurrentzako egokiak diren uxatzaileak, baina ez aplikatu eskuetan. 

• Gailu elektroniko uxatzaileak aukera ona izan daitezke. 

🚼 Ibilaldi Seguruak 

Saihestu eguerdiko bero handian ateratzea. Atera goizean goiz edo 18:00etatik aurrera. Egiaztatu gorputz-tenperatura eta zaindu kotxea gehiegi ez berotzea. 

📎 Informazio gehiago haurtxoen zainketei buruz:

+Info

Haurdunaldia eta amatasuna

 

Prestakuntza pildorak

 

Osasunaren VIII. astea