Tabakorik Gabeko Nazioarteko Eguna 2026

 

maiatzak 31 "Tabakorik Gabeko Nazioarteko Eguna 2026"

Komiki "Hutsartea"

Komiki "Kea"

Udako liburutegiak

 

Bilboko Udalak uda honetan berriz ere hurbilduko ditu liburutegiak auzoetara, “Udako Liburutegiak” programaren bidez. Programa horrek liburuak, aldizkariak, egunkariak eta irakurzaletasuna sustatzeko jarduerak eskainiko ditu hiriko hainbat plazatan.

Udal Liburutegien Sarearen eskutik, ekimen hau datorren astelehenean, ekainaren 30ean hasiko da eta uztailaren 18ra arte gozatu ahal izango da Uribarri (Eskolako Landan), Zorrotza (Azoka Plazan) eta Elorrieta (Elorrieta Parkean) auzoetan.

Ondoren, udako liburutegiak Santutxu (Karmelo Plazara), Errekalde (Plazara) eta Miribilla (Gernikako Lorategietara) auzoetara lekualdatuko dira uztailaren 21etik abuztuaren 8ra.

Zerbitzua astelehenetik ostiralera eskainiko da (jaiegunetan izan ezik), 11:30etik 13:30era eta 17:00etatik 20:00etara.

Udalak berriro ekingo dio programa honi, udan irakurzaletasuna eta liburutegien erabilera sustatzeko helburuarekin.

Beren ohiko zerbitzuez gain (kontsulta, liburuen mailegua, CDak, DVDak, hemeroteka, Interneteko sarbidea, etab.), Bilboko Udal Liburutegiek, udan, gune horietara joaten den publikoari hurbilduko diote irakurketa, honako zerbitzu hauek eskainiz:

Irakurketa zerbitzua: eleberriak, haur eta gazteentzako literatura, aisialdiari buruzko liburuak, autolaguntza eta abar jarriko dira jendearen eskura, baita aldizkariak eta prentsa ere

Liburuak mailegatzeko zerbitzua: publikoak etxera eraman ahal izango ditu interesatzen zaizkion liburuak, eta bertan itzuli ezarritako epearen barruan. Euskadiko Irakurketa Sare Publikoko liburutegietako txartelik ez dutenek bertan eskatu ahal izango dute.

Irakurketa sustatzeko jarduerak: tailerrak, jolasak, ipuin-kontalariak eta ikuskizunak antolatuko dira haurrentzat.

Gazte kultur bonua

Gazte Kultur Bonua 2024an 18 urte betetzen dituztenentzat da. 400 euro izanen dituzte kultur produktu, zerbitzu eta jarduerak erosi eta erabiltzeko. 

Programaren kudeaketa berariazko plataforma teknologiko baten bidez eginen da. Plataforma horretan eskaerak aurkeztuko dira eta eskaerak aurkeztu ahala tramitatuko dira. 

Onuradunari laguntza eman ondoren, onartutako zenbateko osoa ordainketa bakarrean ordainduko da, aurrez ordaintzeko txartel birtual nominalaren formatuan. Eman eta hurrengo 12 hilabeteetan hartuko dute indarra.  

2006an jaio direnentzako eskabide epea 2024ko irailaren 16era arte irekita dago.

https://bonoculturajoven.gob.es/

"Amelia. Historia de una lucha"

 

Amelia Tiganus prostituzioaren abolizioarekin konprometitutako aurpegietako bat da. Ekintzaile feminista, 1984ko martxoaren 11an jaioa, Galatin, Errumania. Bost urtez espainiar estatuan sexu-esplotazioa pairatu ondoren, Euskal Herrian bizi da non eta bere bizitza berreraiki eta berritu ahal izan zuen. Hainbat artikulu argitaratu ditu, besteak beste, ‘La revuelta de las putas’ eta ‘El trabajo os libre’. Prostituzioari eta sexu-indarkeriari buruzko sentsibilizazio- eta prebentzio-ikastaro eta -tailerretan ere trebatzailea da. 

"Amelia.Historia de una lucha" komikia bere bizi-esperientzian oinarrituta dago. Formatu horren bidez, publiko gazteenera iritsi nahi du. 

Bilboko udal-liburutegietan aurki dezakezue. 

"Manual para súper feministas"

 

"Manual para súper feministas" SMren "Orgullosa de mí" ekimenaren 2022ko berrikuntzetako bat da. Eskuliburu honetan berdintasunean hezten duten haur eta gazte literaturako liburu-sorta zabala dago. Estereotipoak hausten dituzten neska eta emakume sendo eta independenteen istorioak. Dibulgaziozko komikia da, eta, bineta ausartetan, feminismoaren funtsezko kontzeptuak azaltzen dizkie irakurle gazteei. Bere egunerokoan neskei eragiten dieten gaiak jorratzen ditu, hala nola, emakumeek zineman eta telebistan duten ordezkaritza eskasa, emakumeen edertasunaren ideal engainagarria, laguntasuna eta gorrotoa, hizkuntza inklusiboa, maitasun-harremanak eta adostasunaren garrantzia... Bilboko udal-liburutegietan aurki dezakezue.

"Lo que cuentan de ti"

"lo que cuentan de ti” UNADek egindako eta Hiesari buruzko Plan Nazionalak finantzatutako komiki bat da, bigarren hezkuntzako bi ikasleren historiaren bidez estigma, diskriminazioa eta isiltasun soziala bezalako gaiak jorratzen dituena. 

Obrak planteatzen dituen egoerak nerabezaroaren errealitateari buruzkoak dira. Egoera horiek batzuetan normalizatuta dauden jokabideez hitz egiten dute, eta arriskurik gabeko jardunbideak balira bezala erreproduzitzen dira. 

komiki 

Komikia: emakume zientifikoak

"Científicas: pasado, presente y futuro” 8 eta 14 urte bitarteko haurrei zuzendutako zientzia antzerkia da, eta 2016tik antzezten ari da, batez ere Sevillan, baina baita Espainiako beste leku batzuetan ere. 

Francisco Vegaren ideia originala da. Sevillako Unibertsitateko bost ikertzailek iraganeko bost ikertzaileri bizia ematen diete, ondoren zientzialari gisa duten bizitzaz hitz egiteko eta zientziaren mundu liluragarrian parte hartzera gonbidatzen ditu ikusleak. 

Sevillako Unibertsitateko Berdintasun Unitatearen laguntzarekin obraren komiki-bertsio bat egin dute. Proiektu honetarako, Raquel Gu ilustratzailea izan dute bidelagun. 

Komiki honekin, emanaldietara joan ezin duten ikastetxe guztietara iritsi nahi dute. 

Komikiaren irakurketaren osagarri gisa, gidaliburu bat ere egin dute, ikasgelan egiteko jarduerekin. 

+Info

 

Mafalda: Femenino singular

Irudi

Joaquin Lavado,  Uztailaren 17an, Mendoza, Argentinan jaio zen eta duela gutxi zendu zen. Txikitan jabetu zen marrazkilari izateko zeukan bokazioaz eta orduan izan zen Quino deitzen hasi zitzaizkionean.  

1964an Mafalda, bere pertsonaia, aldizkari batean agertzen hasi zen eta beranduago egunkari batean. Lumen argitaletxeak hamaika liburuki argitaratu ditu Mafaldaren bineten bildumekin. Zerotik hamarrera zenbakituak eto liburuki bakar batean “Mafalda”. “Todo Mafalda” pertsonaiaren berrogeitahamargarren urteurrenean argitaratu zen, pertsonaiaren    argitaratugabeko binetekin. 2018 an feminismoaren inguruko bilduma argitaratu zen “Mafalda. Femenino singularra”.  

Bilduma honetan Quinoren pertsonaiak, matxismoa eta emakumeen rolaren inguruan   hausnartzera gonbidatzen gintuen. Quinok giza-eskubideen aldekoa izan zen eta emakumeen eskubideak maisutasunez defendatu zituen. 

Hone hemen gure omenaldirik zintzoena.