sexualitatea etiketadun mezuak erakusten. Erakutsi mezu guztiak
sexualitatea etiketadun mezuak erakusten. Erakutsi mezu guztiak
2026(e)ko urriaren 19(a), astelehena
2026(e)ko urriaren 16(a), ostirala
"El porno no es real"
Azken urteotan aldaketa asko gertatzen ari dira gizartean, baita indarkeria mota ezberdinetan ere. Adingabeei taldean egiten zaizkien bortxaketen kasuak ez dira fenomeno isolatu bat, gero eta gehiago, maizago eta larriago gertatzen direnak.
Arrazoien artean, sexu-harremanak hutsaltzea eta gurasoek nerabeen gainean kontrolik ez izatea, baina baita neska-mutilen sexualizazio goiztiarra eta adingabeek teknologia berrien bidez eduki pornografikoak eskuratzeko erraztasun handiagoa izatea ere.
Haurrak ez daude emozionalki prestatuta ikusten ari direna ulertzeko, eta, hala, arrisku handiko sexu-jokabideak garatzen dituzte, ondorio larriak dakartzatenak, hala nola ETSren kutsatzea, nahi gabeko haurdunaldiak, irudien hedapena, autoestimuaren degradazioa...
Hurrengo estekan gaiari buruzko gida bat ikus dezakezue.2026(e)ko urriaren 13(a), asteartea
Sexu-aholkularitza
Sexu eta drogei buruzko zalantzarik al duzu?
14 eta 20 urte bitarteko adina baduzu, gai hauei buruzko informazio jaso dezakezu Bilboko hiru Modulu Psikosozialetako batean. Zerbitzua doakoa da eta ez da aurretiazko hitzordurik eskatu behar.
Modulu hauetan hainbat alorretako profesionalek arreta egingo diete: medikuntza, ginekologia, psikologia…
Doakoak dira.
Ez da aurretiazko hitzordurik behar.
Bilbo Zaharrean, San Inazion eta Errekalden daude.
Neska-mutil gazteen galderei astean behin arratsalde bat eskaintzen diete. Astelehenetan, 16:00etatik 18:00etara Auzolan Moduluan (Bilbo Zaharra); astearteetan, 15:00etatik 17:00etara Deustu-San Inazio Moduluan; eta astearteetan, 17:00etatik 18:30era Errekaldeko Moduluan. Aldez aurretiko hitzorduarekin asteko beste edozein egunetan joan daiteke.
Hurrengo gaiei buruzko orientazioa eta informazioa eskaintzen dute: sexualitatea, ugalketa-osasuna, kontrazepziozko osasuna, larrialdiko kontrazepzioa, abortua, bikotekidearekiko harremanetako arazoak, alkoholari buruzko orientabide eta informazioa, drogak eta beste mendekotasun batzuk, tratamenduak, kontsumoari lotutako arriskuen balorazioa, etab.
https://bilbaogazte.bilbao.eus/zerbitzua/sexu-eta-drogei-buruzko-zalantzarik-al-duzu/
2026(e)ko irailaren 11(a), ostirala
2026(e)ko uztailaren 21(a), asteartea
Irudi intimoak baimenik gabe trukatzea
NCII norbaiten irudi edo bideo intimoak partekatzeko ekintza da, Internet barruan edo kanpoan, haren baimenik gabe. Irudi manipulatuak/faltsifikazioak barne.
Irudi intimoak biluzik dauden pertsonen argazkiak eta bideoak dira, edo azpiko arropan, genitalak erakutsiz, sexu jarduerak edo poseak eginez.
NCII delitutzat hartzen ari dira munduko hainbat lekutan.
Webgune honetan azaltzen dizute nola jar zaitezkeen harremanetan sare sozialetako plataformekin, zure irudi intimoak internetetik ezabatzen laguntzeko.
2026(e)ko ekainaren 11(a), osteguna
Adostasun sexuala
Adostasun sexuala askatasunez hartu beharreko akordio da, modu kontziente eta batez ere, gogotsu! Aldiro eman behar da, eta jakina, edoizen momentuan alda daiteke iritziz.
Esplizituki eskatzea bezain garrantzitsua da perstsonen gorputz-hizkuntza irakurtzea. Ezezkorik ez egotea, ez da "bai", esta zalantzak, ezta isiltasuna. "Bai" bakarrik da "bai".
Gure seme-alabek sexua bi aldeen desiran oinarritu behar dela ikastea hil edo bizikoa da. Horregatik, entusiasmoak eta gogoak edoizein prantikaren oinarri izan behar dute, bestela hobe dugu beste zerbait egitea.
Zaila izan daiteke gure seme-alabei baimena azaltzea, eta bideo hau tresna bikaina da horretarako. Adostasun-sexuala zer den azaltzen digu, tearen metaforarekin.
2026(e)ko otsailaren 13(a), ostirala
Pornografia, gutxienez esateko
Kanpaina instituzional honen helburua biztanleria orokorra nerabezaroan pornografia kontsumoaren arazoari buruz kontzientziatzea da.
Ikerketen arabera, 10 gaztetik 6k uste dute pornografiak "asko edo nahiko" eragiten diela sexu-harremanetan gehiago esperimentatzeko orduan. Kanpaina honek eragin hori azpimarratzen du eta berdintasunean eta errespetuzko tratuan oinarritutako sexu-hezkuntza positiboaren garrantzia azpimarratzen du.
2025(e)ko abenduaren 31(a), asteazkena
2025(e)ko azaroaren 12(a), asteazkena
"@Sexorientando"
Alba Salas psikologoa, sexologoa eta @Sexorientando plataformaren sortzailea da, gure seme-alabekin beldurrik, lotsarik eta taburik gabe sexualitateaz nola hitz egin azaltzen duena.
Hurrengo podcast-ean jorratzen du zergatik den hain garrantzitsua heziketa sexual argi, hurbil eta errespetuzkoa etxetik, eta nola lagun diezaiokegun nerabezaroari bere garapenaren alderdi hain garrantzitsu honetan.
Hurrengo estekan entzuteko gonbitea luzatzen dizuegu.
2025(e)ko urriaren 6(a), astelehena
2024(e)ko abenduaren 3(a), asteartea
2024(e)ko maiatzaren 2(a), osteguna
Sexu-hezkuntza
Gero eta familia gehiagok izan nahi ditugu etxean sexu-hezkuntzari heltzeko gaitasunak.
Gida hau haurtzaroan sexualitateari laguntzeko ibilbide-orria eskaintzeko asmoarekin sortu zen.
Zein da sexualitateaz hitz egiten hasteko une egokia?
Ondo egingo dut?
Nola lagundu diezaioket nire haurrari sexualitatearen bizipen egokia izan dezan?
Nola egin hori etxean tabua ez izateko?
La Lagunako Udalak familientzako gida bat argitaratu du. Bertan, ezagutzak, trebetasunak eta baliabideak eskaintzen ditu, haurren sexualitatea modu egokiagoan lagundu eta zaindu ahal izateko.
2024(e)ko apirilaren 23(a), asteartea
2024(e)ko urtarrilaren 12(a), ostirala
2023(e)ko azaroaren 7(a), asteartea
2023(e)ko urriaren 30(a), astelehena
2023(e)ko uztailaren 3(a), astelehena
"Amelia. Historia de una lucha"
Amelia Tiganus prostituzioaren abolizioarekin konprometitutako aurpegietako bat da. Ekintzaile feminista, 1984ko martxoaren 11an jaioa, Galatin, Errumania. Bost urtez espainiar estatuan sexu-esplotazioa pairatu ondoren, Euskal Herrian bizi da non eta bere bizitza berreraiki eta berritu ahal izan zuen. Hainbat artikulu argitaratu ditu, besteak beste, ‘La revuelta de las putas’ eta ‘El trabajo os libre’. Prostituzioari eta sexu-indarkeriari buruzko sentsibilizazio- eta prebentzio-ikastaro eta -tailerretan ere trebatzailea da.
"Amelia.Historia de una lucha" komikia bere bizi-esperientzian oinarrituta dago. Formatu horren bidez, publiko gazteenera iritsi nahi du.
Bilboko udal-liburutegietan aurki dezakezue.
2023(e)ko maiatzaren 31(a), asteazkena
Kiko eta eskua
Tratu Txarrak jasaten dituzten Haurrei Laguntzeko Euskal Elkarteko (AVAIM) iturrien arabera, Europako bost haurretatik bat sexu-indarkeria motaren baten biktima da.
Sexu-abusua oraindik gizartean tabutzat jotzen den gaia da, ez da asko hitz egiten horretaz. Horregatik, garrantzitsua da jakitea zer den haurren sexu-abusua eta zer egin detektatutako kasu baten aurrean.
Kezkatzen bazaitu eta horrelako ekintzak nola prebenitu jakin nahi baduzu, esteka honetan gaiari buruzko aurkezpen bat ikus dezakezu.
Gainera, bertan 3 eta 7 urte bitarteko adingabeekin erabiltzeko ipuin bati buruz hitz egiten dizuegu, "Kiko y la mano".
Dohain eska dezakezu Zorrotzako udal liburutegian.
2023(e)ko maiatzaren 2(a), asteartea
2023(e)ko apirilaren 28(a), ostirala
Harpidetu honetara:
Mezuak (Atom)