Instalazioen irekiera irailaren 1tik aurrera. Ostera ere hasi dira zerbitzu ematen Atxuri, Abusu, La Casilla, Deustu eta San Mameseko instalazioetan. Hala, bat egingo dute Artxanda, Zorrotza, Errekalde, Txurdinaga, San Inazio eta Miribillako kiroldegiekin, udaz geroztik daude-eta irekita haiek.
Oraingoz, Bilbao Kirolak-eko abonatuek bakarrik erabili ahal izango dituzte kiroldegiak, salbu eta joko-zelaiak, zeren haietara abonatuak ez direnak ere sartu ahal izango baitira, sarrerarekin edo bonuarekin. Gehienez ere 4 pertsona ibili ahal izango dira joko-zelai bakoitzean, squash-ean izan ezik, han 2 baino ezingo dira-eta ibili.
Barruko igerilekuak erabiltzeko, beharrezkoa izango da aldez aurretik hitzordua eskatzea web-orrian edo sarrerak saltzeko makinetan, instalazioetan bertan. Igerilekuetan, igeri egiteko kaleetan bi pertsona ibili ahal izango dira gehienez.
Fitness aretoetan, guztira ibili ahal direnen % 50 ibiliko dira, gehienez ere. Fitness aretoan aritzeko, abonatuek izena eman beharko dute hilean-hilean, betiko moduan.
iruzkinik ez:
Argitaratu iruzkina